Natural Curly Hair :: حآبه تسوين شعرك كيرلي او تجعدينه ؟ ♥ ♪

السلام عليكم ورحمة الله وبركاته " س8 .. 

كيفكم ؟ ان شاءالله طيبين =$ .. صآيره اطول بالتدوين بس سامحوني كانت فترة اختبارات والحمدلله عدت على خير س6 ..
ان شاءالله خلال هالاجازه ابطلع حرتي بالمدونه ههههههههه ض4 , ان شاءالله بعوضكم الغيبه ف3 ..

اليوم ب البوست رآح اتكلم عن  ( تجعيد الشعر ) س4 س8 ..
كثير بنات يغريهم الشعر الكيرلي وبعضهمم يعشققونه ف3 وبعضهم مايحبه ض4 ,
بس شوفو هالصور معآي س4 ..

هآه اكمل ؟ ض3

بعضكم يمكن يقول ان الصور الي فوق اغلبها بالفير وكذا ..
 بس تقدرون تصلحونه بدون فير وبدون ماتتلفون شعركم وتعذبونه وتحرقون اهله ض6 ..
 بطريقه مرره سهله والنتجه بإذن الله بتكون مرضيه ف3 ..
" مارحمت الا هالكشه المسكينه ض2 "

قبل بقولكم ان عمري بحياتي ماضبط شعري بالكيرلي ع انه طبيعته سهله وبسرعه يصير كيرلي اذا تروشت !
بس اكتشفت ان الطريقه كانت خطأ غير انه مشكلتي الاساسيه والي الاغلب يشتكي منها هو ان الشعر منتفش او frizzy ! س2
حاليا على ان شعري ينتفش + يطفش ويرفع الضغط ماينشف بسرعه بس عشان يطلع زي الصور الي فوق او ع الاقل نتيجه مشابهه بذلت اقوى مجهود لحد ماوصلت للطريقه  س1 ...

اول شوفو الاغراض الي استخدمها س8 س8

اهمممم حآجه بالموضوع هالاستشوار الي كنت ادور عليه ض6 ..
حاليا موجود بكثره بالسوق بس انا اول ماعرفته ماكنت اشوفه الا بالامازون
 ومره رحت اكسترا وشفته وطحت بغرامه من اول نظره ف3 ..
لايغركم شكله يخوف بس بطططل الصراحه يجعد الشعر بطريق مره مررررتبه س3 س8 ..
قبل كل شي احب اغسل شعري بشامبو من بانتين اسمه تموجآت متناسقه س8 .. مكتوب انه يقوي ويحدد الشعر المتموج ..
تذكرون لما سويت ريفيو عن مجموعة لوريال ؟ ذيك استخدمها بالايام العاديه والايام الي بستشور شعري لأن احسها تطيح شعري مررره .. اقصد تطيحه يعني يخف نفشه ويصير مايل للويفي والستريت اكثر .. مو تطيحه يعني تساقط ض4 ..
بس الشامبو هذا احس صدق لما اغسل فيه يبن شعري كيرلي اكثررر وريحته حلوه مره احبه احسه ينظف من قلب س8 ..

طبعا احب لما اطلع امشط شعري بمشط اسنانه عررريضه اهمممممم شي زي هذا .. " نسيت اصور حقي "

ميزة المشط اول شي من الناحيه الصحيه ان الشعر مايتكسر وهو رطب ..
ثاني شي احبه انه يجمع خصل عريضه مع بعض تقريبا بحجم اسنان المشط مو زي المشط العادي او الفرشه ..
ثاني شي اسويه بعد ما امشطه انزل راسي ع تحت # ركككزو ب الشرح س7 ..
وانفض شعري ب ايديني شوي وارجع الف الفوطه كأني لسا غاسلته ..
طبعا انا اسوي الحركه ذي لأن ابغى الشعر يجي بطبيعته نفس شكله وانا توني طالعه من الشاور .. مايكون شكله متمشط ..
انتظر شوي لحد ما اسوي طقوسي ب العنايه ب جسمي بعد الشاور وو آخر شي افك الفوطه وابدأ احوسس ض4 ..

احب ارش من بخاخ حماية الشعر من دوف .. هو مو ضروري مره بس انا تعودت عليه .. الصراحه ما ادري هو يسوي مفعول او يطلع نتيجه او لا لأن للحين مالاحظت شي انا مادري اذا هو حمالي شعري من الحراره او لا .. ممكن شوي ض4 ..

ثالث شي يكون ب اختياركم يارغوه او جل وانا افضل الجل ف3 ..
الرغوه هذي لتموجات الشعر احسها خفيفه مره تنفع للي شعرهم مرتب اصلا بس تبي تحط زياده شي يرتب ..
بس بالنسبة لي انا افضلها مع الفير واخلي الجل للتجعيد  ..
الجل حقي من ويلا ابطل جل مر علي لأنه يخلي مظهر الشعر رطب وحيوي
 اسمه " NEW WAVE " ومكتوب عليه " جل لمظهر شعر مبلل " مررررره حبيته وخفيف وريحته حلوهـ ..

اول شي اقسم شعري 4 اقسام وطبعا كل الشغل بيديني واصابعي ابعدو عن المشط مانبيه يشد الشعر نبيه يبقى ع طبيعته ..
ابدا بالربع الي تحت واقسمه باصابعي ع شكل خصل كل خصله امسكها واحط جل عليها عن طريق الضغط
بس ما امسحه عليه تمسيح لأن كذا بـ اخلي الشعر ينمط ومعد يتكرلل < متعوب ع الكلمه ض4 ..
احاول قد ما اقدر اني اضغط مع رفع الشعر فوق وانا اضغط كذا يعني كني اكمشه ب ايدي وارقيه فوق < وصفي ض6 ..
ي ربب فهمتو ض3 .. واذا في اماكن احسها منتفشه خصوصا من وسط الراس فوق احاول اجمعها ع شكل خصله وابرمها ب ايدي بحيث ان النفشه تروح ..

بعد ما اخلص من توزيع الجل ع الشعر واحاول انه الجل يوصل كل الشعر
 لأن لو في منطقه ماجاها واستخدمنا الخطوه الي بعدها ممكن يننننفش اقوى شي .. :S

اهمممم خطوه ب الموضوع هو الاستشوار هذا حقي اسمه " ROWENTA "
حلو وحار وفيه تحكم ب الحراره الي تبينها ويجي معه راس عادي غير ال ديفيوزر هذا ..

ابدا اميل راسي لليمين واستخدم الاستشوار من تحت بحيث اني اخلي راس الدفيوزر تحت الشعر
 يعني كني الم فيه الشعر وارقى على فووووق نفس طريقتي لما حطيت الجل
ونفس الطريقه لما اميل راسي يسار ونفس الشي انزل كل الشعر قدام و ورا ..

وانا اشتغل اخلي الحراره على اقصر شي لأن مابي الشعر ينشف بسرعه
ابيه ينشف على روااااق بحيث ان الكيرليز ماتنفك وتحافظ ع شكلها .. يعني تقريبا بكل جهه من 5 الى 10 دقايق ..

يمكن شرحي مو واضح عشان كذا جبت كم مقطع فيهم نفس الطريقه الجميله ..
واكيد الطريقه هذي تناسب اغلب الشعور الكيرلي والويفي اساسا
بس الي شعرها ستريت ومايضبط معه شي ماتوقع بيتغير شي ب الموضوع لاتتعب نفسها س7 ..
شوفو البطله هذي طريقتها نففففس الي اطبقها ومره جميله النتيجه  ف3 ..
http://www.youtube.com/watch?v=qOwMpF2mutU
وهذي بعد ف3 ..
http://www.youtube.com/watch?v=-qFyDMEj1Sk

http://www.youtube.com/watch?v=N5iYrHIcH7I

( المقاطع فيها موسيقى :$ رجاء قصرو الصوت ) س9 ..


آخر شي لما احس شعري نشف تماما وتكون شكل الكيرلي وضبط احب اخذ مسحة من سيروم لوريال الي زي هذا

واطبط فيها ع الاماكن الي احس فيها دايم تنفشش هذا ميزته انه يهبط النفشه ومايدهن الشعر ويعطي لمعه جميله ..
ممكن تستخدمون اي Anti frizz ترتاحون له ..

وطبعا مو شرط تتركون شعركم كذا .. ممكن تسوون فيه اي تسريحه بسيطه وهو كيرلي بيطلع جميل وعفوي س8
زي كذا مثلا :

http://www.youtube.com/watch?v=p3u6zDyCv-U

وبسس كذا خلص شرحي .. ض3 ..
ي رب اني افدتكم لو بحآجه بسيطه ..
اتمنى القى دعم منكم وتشجيع ..
اي اقتراح او سؤآل اتقبله بصدر رحب س8 ..

القآكم على خير في تدوينه ثانيه س9 ..